Pms متلازمة ماقبل الحيض
ال Psm
هوإضطراب ماقبل الدورة الشهرية
ودى حالة للبنات بس 😁 وبيختلف فهمها من بنت للأخرى هنا الأعراض قبل فترة الحيض
ولازم نتكلم عنها على الأقل علشان تفهمى كبنوته أى اللى بيحصلك الفترة دي
_ خلينا معترفين الأول بإن أغلبية البنات فى فترة البيريود بتعانى من مزاج إكتئابى وتعب وعياط ووجع فى الجسم وإضطرابات إنفعالية كتير جدا
بس إلى متعرفهوش إن فى حالة ال Psm ماقبل البيريود جزء كبير جدا من البنات بيعانى منها وأعراضها مع الوقت بتزيد إن قبل معاد البيريود بحوالى 10أيام وممكن توصل لأسبوعين أو اقل البنت بتصاب بتغيرات كتيرة وعنيفة ومن ضمن الأعراض:_
√ وجع فى المفاصل
√ مزاج إكتئابى
√ أفكار إنتحارية
√ عزلة وبعد عن المقربين
√ إنفعالات حادة بشكل صعب
√ ضعف فى التركيز
√ تغيرات فى الشهية
√ إنتفاخ فى البطن وتورم أجزاء الجسم
√ حالة من الإعياء وكثرة التقيؤ
√ وجع فى الجسم وخمول
√ كثرة البكاء
√ اشتهاء الحلويات
√ أرق
الأعراض دى عند نسبه كبيرة جداً من البنات والسيدات فى العموم وده بيكون واضح جدا فى طريقة التعامل واتخاذ القرارات
ممكن تلاقيها بتكلمك امبارح كويسة جدا بس النهاردة بتقولك هنطلق 🤷♀️🙃
لازم كراجل تفهمها وكبنت لازم تفهمى نفسك أولا وناخد بعض الإحتياطات
كراجل هنقول:_
( بلاش عصبية معاها _ طبعا فكرة التعاطف والمواجدة _ مترهقهاش _ خليها تهتم بصحتها وبأكلها _ فكرها تشرب ماية _ خليك معاها بمعنى أصح من غير ماتأذيها) .
كبنوتة بقي:_
الفترة دي انتى اكيد خدتى بالك منها
لازم تشربي ماية كتير
دفي جسمك
اشربى سوائل بشكل كافي
كلى اكل صحي وزودى خضروات وفواكهه
ابعدى عن الشيكولاتة والمواد الحافظة
مترهقيش جسمك فى أعمال كتيرة مجهدة
اهتمى بشرب اللبن وأكلك يكون صحى وده اهتمام كبير جدا جدا
الفترة كدة او كدة هتعدى فتعدى بلطف افضل مما تكرهى نفسك وغيرك بسببها وخليكى فاكرة انك كبنوتة مسئولة عن نفسك وعندك خطوات تحمى بيها نفسك ولو الأعراض زادت ومش قادرة تستحمليها بتروحى لطبيب بيديكى أدوية تقلل من الأعراض .
تعليقات
إرسال تعليق