الذهان والعصاب
كتير مننا بيسأل عن الفرق بين الذهان والعصاب
طب امته اعرف انى مصاب بإضطراب عصابى او ذهانى؟!
الإضطرابات العصابية:_
هنا المريض بيكون على علم بوجود مشكلة بتمثل عائق بينه وبين انه يتعايش مع حياته بشكل سليم وده بيكون لعدة اسباب منها انه اتعرض لشيء فخلاه مش متزن ولكن واعى ومتفهم للمشكلة
وهنا إضطرابات القلق بجميع اشكالها المريض بيكون على علم ب ان فى مشكلة بس مش عارف يحلها ازاى او يتجاوزها ازاى، ومرض الإكتئاب وهنا المريض بيكون على علم بتغير مزاجه وسلوكياته ومش عارف فى نفس الوقت يطلع من دا ولكنه مدرك بوجود مشكلة وعلى علم بيها...
الإضطرابات الذهانية:_
هنا المريض بيكون غير مدرك للمشكلة ومش شايف انه غير سوى لاهو فى نظر نفسه انسان سوي ومبيغلطش وده بيوقعه فى مشاكل كتير مع أهله والمجتمع وبيكون فى المجتمع مميز وبيتصف بعدة صفات لدرجة انك ممكن تعرفه من سلوكياته ( بيعمل تصرفات غريبة وغير مألوفه، بيتكلم مثلا مع نفسه، بيشوف حاجات مش موجودة، صورته عن نفسه غير مماثلة للواقع، عنده معتقدات او افكار غريبة، عنده ضلالات زى الاضطهاد والسحر والشعوذة او ضلالات دينية).
وهنا بنلاقيه اكتر مع مريض « الفصام »..
طيب فى سؤال ممكن شخص يسأله هو ممكن الاضطرابات العصابية تيجى ب أعراض ذهانية؟!
_ أه طبعا فى اضطرابات كتير بتيجى بأعراض ذهانية زى الإكتئاب الذهانى، الوسواس بأعراض ذهانية
وهنا بمجرد مالمريض بياخد الادوية وبينتظم عليها بتختفي الأعراض الذهانية ومع جلسات نفسية الموضوع بيقلل بشكل ملحوظ
وجود الطبيب والإهتمام بالأدوية مهم جدا جدا مع الجلسات النفسية اللى بتم بوجود اخصائي نفسي ♡♡
#روميساء_هانى
#النوستالجيا
تعليقات
إرسال تعليق