العصبية ♥️
" ابعد عنى مش طايقة نفسي ، انت عيل تنح ، انا عارفة مش هخلص من اسطوانة الززن والرغى دى ، انت قاصد توقع كوباية الماية ، ورميت البيض على طنت اعتماد إلى فى الدور الخامس "
_______________
😡😡😡
الغضب ايتها المامى القمر 😍
الغضب هو تفريغ طاقة مكبوتة بااى شكل من الأشكال عند انتهاك أحد الأشخاص مبادئك وقوانينك ❌
_ حضرتك بتفهمي فى وقت الغضب أن الشخص ده قاصد يضايقك
_ شايفاه مؤذي جدا جدا
_ حاسه بظلم { والظلم هنا مش من الأطفال ممكن من عوامل كتير جدا زى الزوج الى بيرمى الاطفال عليكى وضغط اهلك وضغط الشغل عليكى / حاسة بظلم أن قوتك بتروح }
_ بتحسي بالاحراج وبالذات لو كان قدام الناس ...
~~~~~~~~
طب اى الآثار الجانبية للغضب 👀
_ شعوور بالذنب الدائم تجاه الموقف ..
_ توتر وقلق مع نشااااط حركى زائد
_ الخوف من فقدان المودة والحب من الطرف الآخر
_ اعراض نفس جسدية ( سيكوسوماتية ) { تعب فى الجسم _ خمول _ صداع _ ارتفاع /انخفاض ضغط الدم _ رمش فى أحد العينين دون السيطرة _ حركات الحاجب الكثيرة _ هززات فى الرجل } ....
_ الشعور بالخيبة وفقدان الأمل والدنيا سودااااا....
_________________
طب ده بسبب اى ؟!
تفسيراااات خاطئة للمواقف
واااات اى إلى بتقوليه ده ؟!
_ اه والله يامامى ياقمر حضرتك بتفسري المواقف غلط ( بتحطى تحليلات ومواقف من عندك وبتجيبى مواقف من زمان تاثر على قراراتك ) .....
وبدل ماهتحلى المشكلة أو الموقف إلى بيقابلك هتهاجمى نفسك ....
ونبدأ فى مسيرة الأحكام { انا مش عارفة اربى _ انا ام فاشلة _ محدش بيحبنى _ هو قاصد }
طب اخرتها اى هتفضلى على كدة والحل فى ايدك !!!
ازاااااى ؟
1_ بلاش احكام ( بمعنى اول أما يحصل موقف مع ابنك بلاش تقولى كلام كتير فى وقت عصبية ابنك مبينساش 😁😁 / وبيشيل فى الذاكرة 🧠 عنده وبيرد كمان )
2_ فسري الموقف زى ماهو بلقطة كاميرا 📸
( يعنى متحطيش تفسيرات من زمان ولامن المستقبل ) كأنه فيديو بتراجعيه على شريط الكاميرا
3_ بعد مالموقف يعدى اعزرى نفسك وادى الطرف الآخر اعزار وياريت تقوليله عارفة انك ماتقصدش وانت شاطر ومش هتكرر الغلط الغير مقصود ده تانى
~~~~~~~~
هنا حضرتك قدرتى تعزرى نفسك وتتراحمى معاها وكمان تعزرى الطرف الآخر وتحموا بعض من اخطار كتير
الموقف ده ابنك هيشيلهولك فى دماغه لما يكبر وهيعاملك بنفس المعاملة إلى ادتهاله وهو صغير
#روميساء_هانى
#تراحم_مع_نفسك_ياصديقي
#النوستالجيا
تعليقات
إرسال تعليق