الطبخة لازم تستوى كويس🔥♥
مساء الخير ياصديقي
تخيل معايا كدة ان قدامك فرخة لطيفة اوى اوى وانت عاوز تعملها طبخة تليق بالضيوف الى هيجولك كمان ساعتين 🧐
_ هل هتقول للفرخة انا عاوزك فخلال ساعتين بالظبط صنية فراخ بالبطاطس مثلا ؟!
_ ولاهتقولها قومى بسرعة عاوزك مشوية؟!
هل من الطبيعى تخلى الفرخة تسوي نفسها بنفسها!! 😁
الطبيعى عمرها ماهتحصل والفرخة محتاجة شوية مجهود منك علشان تبقي صنية فراخ بالبطاطس مثلا أو فرخة مشوية
أزاى ؟!
يعنى مثلا هنجيب ( بطاطس_ طماطم _ بصل _ بهارات ملح فلفل اسود جنزبيل قرفة وميمنعش نحط زبادى وفلفل اخضر ) ونبدأ نتبلها ونرصها فى الصنية وتتحط فى الفرن تواجهه النار وتتفاعل بقي 🔥
__________________
هيكون فى دماغك سؤال واحد ألا وهو:_
طب انتى عاوزة اى بعد الطبخة دى؟!
- هو انت مفكرنى جاية اقولك وصفة صنية الفراخ بالبطاطس ولااى 😁🙂
ركز معايا وتعالى ناخد جولة فى مقال خفيف وتقوم تعمل صنية بطاطس بالفراخ وتقولى رأيك 😉
بص ياصديقي الصدوق اتفقت معاك فوق ان الفرخة عمرها ماهتكون صنية فراخ بالبطاطس من غير ماجهود منك 🤷🏻♀️ وبعض الاحتياجات
تمام لهنا تمام
_ مااكيد برضو ابنك مش هيوصل للنضج والتوازن الإنفعالى بين مشاعره ومخه وحركاته لواحده
_ اعتبر ابنك فرخه وحضر احتياجاته كدة
ورقة وقلم واكتب ورايا كدة
هو ابنى محتاج منى اى علشان يكون عنده ثبات انفعالى ونضج يواجهه النار لواحده؟!
احتياجات طفلك هتكون فى كذا نقطة:_
√ احتياجات فسيولوجية وبتكون عبارة عن { هواء _ ماء _ طعام _ راحة}
√ احتياجات الأمان وبتكون { أمن جسدى _ أمن نفسي _ احتواء _ حضن}
√ احتياجات وجدانية ( اجتماعية) وبتكون عبارة عن { أسرة سليمة _ صداقة _ انتماء _ قبول _ تفهم _ ألفة _ حب _ مشاركة _ مساندة _ ودد _ تقارب}
وبعض الاحتياجات زى التقدير ومعرفة معنى الحياة والسلام والسكينة والاستمتاع والاستقلال ودول هنشرحهم فى مقال جديد
تخيل معايا كدة انك بتطالب ابنك الطفل قطعة اللحمة الطرية انها تجمد بدون ماتديها شوية البهارات والبهارات هنا هى الاحتياجات 😁
بتطلب من ابنك مايعيطش بدون ماتخليه مأمن ومليان من جوا وشبعان بالحضن والأمان إلى يخليه يواجهه النار لواحده ☺️☺️
تبل ابنك بالراحه متخليهوش فرخه نية بتواجهه لواحدها 😉🔥♥
#روميساء_هانى
#تراحم_مع_نفسك_ياصديقي
تعليقات
إرسال تعليق