خلل المشاعر
خلل المشاعر
قبل ماتعرف يعنى أى خلل المشاعر مانعرف الخلل الأول 😉
الخلل _ هو أداء الوظائف بشكل غير سليم سواء مثلا أجهزة المخ أو الهرمونات أو السلوكيات أو حتى المشاعر بنتجه ل أداء غير طبيعى ومظبوط
________&____________&___________ولد
يعنى أى خلل مشاعر وأسبابه بقي؟!
هنا الشخص مش عارف هو بيعمل أى أو عاوز أى تلاقي مثلا البنت بتحب شخص عنده 60سنة وهى 20🧐
وه وه وه هو دا خلل فى المشاعر مش حب ولڤلڤة 💋💕
_ لامش حب خالص ياضنايا هنا حضرتك عندك خلل فى المشاعر 😁😁
مثال تانى:_
ولد بيحب فى بنت فى يوم وتانى يوم يقولها انتى أختى أو امى أو بنتى 🙃🤥
أنت بتقول أى ياموحى دا انا حبيبتك 😒😒
سوري ياقلبى إكتشفت أنك أختى .
____________&____________&_____________
ماتيجى نعرف السبب لكل الليلة الكبيرة دى 😉
هنا في أسباب كتير جدًا بس أنا هكلمك عن جزء محدد الإحتياجات الغير مشبعة 😔❌
منطقة حمراء كبيرة جدًا جوا الإنسان صعب دخول أى شخص ليها والتعمق فيها بس فى الغالب كل شخص فينا عارف المنطقة دى وبيعمل ده بسبب أى
لكل شخص مننا عنده إحتياجات
زي { الأمان _ الإجتماعيات _التقدير _السلام والسكينة}
أولًا:_ الأمان فى البداية صديقي إنت بتاخد الجزء الأول من الأمان الداخلى من أسرتك ولو أسرتك فيها إضطرابات وتزبزبات وإنفجارات ده هيأثر بشكل بسيط أو كبير على حياتك إلا إذا حاولت إشباع إحتياجاتك بنفسك
ثانيًا:_ الإحتياجات الإجتماعية وده بيكون من الأسرة والأصدقاء والمعلمين والإطار الخارجى للفرد وفى مرحلة الطفولة إنت كطفل محتاج تشعر بالتقبل والمشاركة والألفة والحب
ثالثًا:_ التقدير والتقدير هنا لازم ماما وبابا يعلموك ازاى تقدر نفسك وتشوف نفسك ومجهودك علشان تقدر تقدر غيرك وتشكره
رابعًا:_ السلام والسكينة وهنا سلام وأمان داخلى بيزرعه الأهل جواك وسلام للغير بيعرفوك معنى الجمال والعدل والمساواة.
طولت عليك صح بس اسفة الموضوع كبير ومحتاج شرح بالرغم إنى لسه مشرحتش أصلًا 🙃🙃
وجود أى خلل فى الإحتياجات الى فوق ومتلبتش بشكل سليم بيأثر على قراراتك وإنفعلاتك داخل العلاقة
إنت واقف عند الإحتياجات الطفولية وعاوز تاخدها وإنت كبير مع إحتياجاتك الأساسية
عاوزة أتجوز بس أحس انى بنته فمش هينفعنى الشاب الطايش بمعنى مش هيدينى إحتوائى وأمانى فأتجوز راجل كبير عنده 60سنة يفهمنى وأتصدم بعد سنتين بالواقع المؤلم 🤥🙃
طب ماإنتى مادورتيش على إحتياجك بشكل صح وأشبعتيه ياماما 🙂🙂
___________&____________&_____________
الحل أى بقي ياجميل؟!
الحل واحد وملوش تانى:_
1- أعترف بالمشكلة وبإحتياجاتى
2- ماقاومش الإحتياجات أو المشاعر دى خليها تطلع
3- شوفها وقدرها وبصلها كويس من الأخر كدة طبطب عليها خليك حنين معاها مش ضدهاوضد نفسك.
4- حاول تملي الإحتياجات دى بشكل صحيح عائلى أو من نفسك لنفسك
5-أشكر نفسك وخليك ممتن ليها
من الآخر الموضوع محتاج وقت وأى اندفاع او إستهوان بالمشاعر دى هيوقعك فى حفرة كبيرة صعب إنك تطلع منها خليك واعي بالألم بس ميغلبكش ياغالى 😉
#روميساء_هاني
#النوستالجيا
#تراحم_مع_نفسك_ياصديقي
تعليقات
إرسال تعليق