لغات الحب الخمس ‏😍♥

هو الحب راح فين  🤔🤔

لي معدش بيحبني 🤔

دي طلعت نكدية ومبتهتمش 

مبتحبنيش دى بتحب فلوسي 🤑

عاوزانى المرمطون بتاعها 😒

كل الجمل دى سمعناها وبتعدي علينا كتير اوى بس مسالناش نفسنا اى الى وراها طب لى بتتقال اصلا؟! 

لغاية اما فاجئنا دكتور جاري تشبمان اخصائي العلاقات الاسرية بمطلح لغات الحب الخمس 👀

_________________

فى مقالنا هنفهم لغاتنا فى الحب 

وبدون خضة وخوف ايوة حضرتك ليك لغة حب 😍لازم وفرض شريك حياتك يستخدمها معاك علشان تنك الحب مايفضاش والحياة تبقي قمر 😉😍♥

~~~~~~~~

❌اول لغة معانا هى كلمات التشجيع 

فى بداية العلاقة بنفضل نقول كلام حب وتشجيع وهوب بعد الجواز بنقلب الآية ونمشي بالعكس رايحين جايين نقرف في بعض ولافي تقدير ولااى شيء  . 

بس ده مش الطبيعي هنا فى اشخاص لو عاشت من غير تقدير وكلام حلو وتشجيع على اى انجاز تدمر علاقتهم وحياتهم ومفيش اسهل من الخراب بس علشان تبني حياة لازم مجهود والمجهود هناخده مع بعض فى كام خطوة 

1- هنشجع بعض 

2- نزود من كلمات التقدير  

3- هنجيب نوتة ونكتب فيها كلمات تشجيع وتقدير جديدة نبحث على الانترنت او التلفزيون او فى الكتب 

4- هنقول مميزات الطرف الاخر قدام الاهل والابناء واى شخص من الاخر خليك فخور بيه 

________________

تاني لغة معانا هى تكريس الوقت 

هنا الطرف الاخر عاوز وقت منك تسمعه بقي وتهتم بكلامه وهنا هناخد كام خطوة كدة 😉

1- فسح لواحدكم على الاقل مرة فى الاسبوع 

2-لازم فى اليوم نقعد نتكلم شوية لواحدنا لامعانا موبايل ولاالتلفزيون شغال ولااى حاجة تخليك ملهي عن الطرف الاخر لازم تكون مركز فى حركاته وعنيه وكلامه 

3- بلاش تقاطعه وهو بيتكلم او ترمي احكام اسمع لغاية اما يخلص كلامه واما يخلص ابقي رد بدون احكام او اوامر خلى الوقت ده لطيف 

______________

لغة الحب الثالثة وهى تبادل الهدايا 

هنا الشخص مهوووس بالهدايا لغة الحب عنده هدايا شايفك بتحبه بهديه وده دليل انك فاكرة مش انك ناسيه مثلا او كدة دى طريقته فالعمل اى بقي 

ننوع فى الهدايا يوم مثلا فى الاسبوع نجيب حاجة محتاجها ضرورى وباقي الايام حاجات خفيفة مثلا وردة تقطفها من جنينة او تجيب للطرف الاخر زرعة مثلا او باكو بسكوت او شيكولاته المهم تجيب شيء بس تنوع 

وخلي معاك برضو نوته تكتب كل شيء الطرف الاخر يكون عاوزة وفاجأة بيه هيختلف الوضع جدا 

_____________ 

لغة الحب الرابعة وهى الأعمال الخدمية 

مراتك هتحبك وانت بترميلها الزبالة او بتودى الاولاد المدرسة او تنضف معاها 

هى شايفة الحب فى انك تساعدها وتعمل حاجات معاها او تخفف الحمل عنها بمعنى اصح 

اخدمنى اكتر احبك اكتر ياسكر 😉😂

____________

لغة الحب الخامسة وهى الاتصال البدني 

وهنا الشخص الحب عنده يعنى تفضل ماسك فيه 

زى مثلا ماشي ايدك فى ايده تقعد جنبه دايما بتحضنه فى تلامس واحتواء جسدي 

&&&&&&&&&& 

مؤخرا صديقي الصدوق الصندوق 

كلنا محتاجين لغات الحب دى كلها فى حياتنا بس فى لغة لكل شخص بيكون عاوزها بزيادة جدا جدا عن اى شيء تاني ولازم اوفرله دا 

ماينفعش احب حد بلغتي لازم احبه زى ماهو عايز فى العلاقات ماينفعش اختار الى يناسبنى وبس لازم بفكر فى الطرف الاخر وازاى بنوصل لحل يرضى جميع الاطراف 

_ لو صعب عليك اكتشاف لغة الطرف الاخر ممكن نجرب استخدام كل لغة لمدة اسبوع بزيادة عن باقي اللغات ونلاحظ التاثير واكتر وقت بيكون سعيد فيه اعرف انه لغته فتزود منها حبه 😉♥

#تراحم_مع_نفسك_ياصديقي

#روميساء_هاني

#النوستالجيا